Sinopsis
A miña nai sempre me dixo que podía ser o que eu quixese. A través de vídeos caseiros gravados na miña infancia, falo sobre a miña crianza e a miña relación coa arte. María, Catuxa e Aroa, tres artistas emigrantes galegas, completan esa reflexión mentres amosan o seu traballo. Este documental abre un diálogo entre o arquivo doméstico e as entrevistas, tratando temas como a liberdade, a muller, a cultura no rural e a importancia das raíces.
