Sinopsis
Avetimología é unha curtametraxe de animación que combina as técnicas de stop-motion e 2D. Foi encargado por Acción Cultural Española (ACE) á produtora de animación Sygnatia no marco do Programa cultural da presidencia española do Consello da Unión Europea 2023, e conta a historia de Europa e España a través de distintas especies de paxaros que nos acompañan nunha viaxe pola historia, a arte e a natureza.
O director, Xosé Zapata, gañador do Goya a Mellor curta de animación 2022, homenaxea nela a herdanza literaria de escritores como Antonio Machado; pintores como Durero, Picasso ou Velázquez; músicos como Pau Casals; científicos como Linneo, ou cidades como Gernika, Madrid ou Santiago, protagonistas nalgúns dos fragmentos da curtametraxe.
Avetimología é unha curta que representa a través de duras imaxes da guerra e destrución do home a necesidade de aprender e reconciliarse coa natureza.
