Sinopsis
«Este timelapse foi un proxecto moito máis complexo do que nos esperabamos inicialmente, seguramente polo noso afán de captar os mellores momentos nos lugares máis fermosos de Asturias. De aí que o tempo empregado na súa produción, que inicialmente estimabamos entre 12 e 18 meses, se estendese ata os tres anos. Durante este tempo, pasamos frío, calor e sono (moito sono!), mollámonos, perdémonos, doéronnos as costas de cargar co material e tivemos que construír de forma artesanal parte do noso equipo. En resumo: desfrutamos!».
