Sinopsis
Mateo ten un soño recorrente. Nel, unha anciá aparece aforcada nun pequeno cuarto. El segue coa súa vida sen darlle demasiada importancia. Acaba de comprar unha casa de luxo e está no cumio da súa carreira; non ten nada de que preocuparse. Porén, unha mañá como calquera outra, alguén irrompe na casa mentres Mateo toma un baño na piscina. Ao inicio, cre que se trata dun ladrón, así que colle unhas pesas do seu ximnasio persoal disposto a neutralizar o intruso. Aos poucos, comeza a decatarse, debido a unha serie de acontecementos estraños que suceden na casa, de que se cadra non é todo tan simple.
